| |
| 1. 1911005 - Heimsókn í frístundaheimilið Hóla | | Nefndin fór í heimsókn í frístundaheimilið Hóla í Sunnulækjarskóla og hitti Elísabetu Hliðdal, forstöðukonu Hóla, Elínu Maríu Þorvarðardóttur, starfsmann Hóla og Gunnar Eystein Sigurbjörnsson, frístunda- og forvarnafulltrúa. Fóru þau yfir starfsemi frístundaheimilisins en um 150 börn nýta sér þjónustuna. Gengið var um þau svæði sem frístundaheimilið hefur til afnota en því miður hefur starfsemin enga fasta heimastöð í dag þar sem fjölgun nemenda í Sunnulækjarskóla hefur kallað á að öll rými er nýtt til kennslu fyrri hluta dagsins. Fram kom í máli Elíabetar að samstarfið við Sunnulækjarskóla væri gott og allir vildu þjónusta börnin sem best. Nefndin þakkar fyrir kynninguna og greinilegt að mjög faglegt starf er unnið í frístundaheimilinu þrátt fyrir tímabundinn þröngan húskost. | | |
|
| 2. 1911006 - Útboð á akstri fyrir Sveitarfélagið Árborg | | Svanhildur Jónsdóttir frá VSÓ Ráðgjöf fór yfir drög að útboði sveitarfélagsins á akstri fyrir grunnskóla, frístundir og einstaklinga með fötlun. Nefndin tekur vel í þær hugmyndir sem koma fram hjá Svanhildi og felur starfsmanni að vinna málið áfram. | | |
|
| 3. 1909043 - Áherslur ÍMÁ í fjárhagsáætlun 2020 | | Lögð fram drög að fjárhagsáætlun fyrir þá málaflokka sem heyra undir frístunda- og menningarnefnd. Starfsmaður nefndarinnar fór yfir helstu breytingar milli ára. Í ljósi þeirra áherslna sveitarfélagsins sem birtast í verkefninu heilsueflandi samfélag undirstrikar nefndin mikilvægi þess að þeim sé fylgt eftir með nauðsynlegum aðgerðum svo sem með ráðningu lýðheilsufulltrúa líkt og lagt er til í drögum að fjárhagsáætlun 2020. | | |
|
| 4. 1911008 - Jól í Árborg 2019 | | Farið yfir viðburði tengda jólahátíðinni í Sveitarfélaginu Árborg. Fram kom að gefið yrði út viðburðadagatal sem yrði dreift inn á öll heimili í sveitarfélaginu. Helstu viðburðirnir verða á sínum stað og hefst jólahátíðin fimmtudaginn 21.nóvember nk. þegar kveikt verður á jólaljósunum við bókasafnið á Selfossi. | | |
|
| |
| 5. 1911007 - Ráðning forstöðumanns í Sundlaugar Árborgar | | Starfsmaður nefndarinnar kynnir ráðningu nýs forstöðumanns sundlauga Árborgar en Magnús Gísli Sveinsson, 48 ára viðskiptafræðingur hefur verið ráðin í starfið úr hópi 27 umsækjenda. | | |
|